- - राजेन्द्र पटेल -
छत्तीसगढ़ के माटी मा गोंदा के फूल हर फूलथे,
हरियर पिंवरा का भइगे, आँखी च आँखी म झुलथे।
सावन महिना अम्बर ह, घनघोर घटा ल लाए हे,
रंग बिरंगी लाल गुलाबी, बगीया म छाय हे।
कुलूप अंधियारी कुवांर के जगमग दीया जरत हे,
मनखे मन के बारी म, तोरई तुमा फरत हे।
फागुन महिना होली म, रंग गुलाल ह बरसत हे,
परदेसी मनखे बाबू ह, गांव आ बर तरसत हे।
आसाढ़ महिना धान बीज डोली म बोवत हे,
हररो - हररो गाय गरुवा राखे के, डोली म सोवत हे।
चर डरिस गाय - गरुवा त माथा ल घरके रोवत हे,
हरियर पिंवरा का भइगे, आँखी च आँखी म झुलथे।
- ग्राम व पोष्ट - सिल्हाटी, जिला - कबीरधाम (छ. ग. ) मोबाईल - 9907188294
कोई टिप्पणी नहीं:
एक टिप्पणी भेजें