इस अंक के रचनाकार

इस अंक के रचनाकार आलेख : साहित्य में पर्यावरण चेतना : मोरे औदुंबर बबनराव,बहुजन अवधारणाः वर्तमान और भविष्य : प्रमोद रंजन,अंग्रेजी ने हमसे क्या छीना : अशोक व्यास,छत्तीसगढ़ के कृषि संस्कृति का पर्व : हरेली : हेमलाल सहारे,हरदासीपुर दक्षिणेश्वरी महाकाली : अंकुुर सिंह एवं निखिल सिंह, कहानी : सी.एच.बी. इंटरव्यू / वाढेकर रामेश्वर महादेव,बेहतर : मधुसूदन शर्मा,शीर्षक में कुछ नहीं रखा : राय नगीना मौर्य, छत्तीसगढ़ी कहानी : डूबकी कड़ही : टीकेश्वर सिन्हा ’ गब्दीवाला’,नउकरी वाली बहू : प्रिया देवांगन’ प्रियू’, लघुकथा : निर्णय : टीकेश्वर सिन्हा ’ गब्दीवाला’,कार ट्रेनर : नेतराम भारती, बाल कहानी : बादल और बच्चे : टीकेश्वर सिन्हा ’ गब्दीवाला’, गीत / ग़ज़ल / कविता : आफताब से मोहब्बत होगा (गजल) व्ही. व्ही. रमणा,भूल कर खुद को (गजल ) श्वेता गर्ग,जला कर ख्वाबों को (गजल ) प्रियंका सिंह, रिश्ते ऐसे ढल गए (गजल) : बलबिंदर बादल,दो ग़ज़लें : कृष्ण सुकुमार,बस भी कर ऐ जिन्दगी (गजल ) संदीप कुमार ’ बेपरवाह’, प्यार के मोती सजा कर (गजल) : महेन्द्र राठौर ,केशव शरण की कविताएं, राखी का त्यौहार (गीत) : नीरव,लाल देवेन्द्र कुमार श्रीवास्तव की नवगीत,अंकुर की रचनाएं ,ओ शिल्पी (कविता ) डॉ. अनिल कुमार परिहार,दिखाई दिये (गजल ) कृष्ण कांत बडोनी, कैलाश मनहर की ग़ज़लें,दो कविताएं : राजकुमार मसखरे,मंगलमाया (आधार छंद ) राजेन्द्र रायपुरी,उतर कर आसमान से (कविता) सरल कुमार वर्मा,दो ग़ज़लें : डॉ. मृदुल शर्मा, मैं और मेरी तन्हाई (गजल ) राखी देब,दो छत्तीसगढ़ी गीत : डॉ. पीसी लाल यादव,गम तो साथ ही है (गजल) : नीतू दाधिच व्यास, लुप्त होने लगी (गीत) : कमल सक्सेना,श्वेत पत्र (कविता ) बाज,.

रविवार, 28 जून 2020

चंदा

 रचनाकार बिहारी साहू सेलोकर

           आज मैं जौन कहानी आप मन ला बताऐ बर जावत हौं वो कहानी आऐ हमरे गॉव धारिया के परेमलाल जौन खेती किसानी के बूता करे अऊ ओकर नाम हा पॉच कोस तक बगरे राहय परेमलाल  अपन  दाई ददा के एके झन बेटा आय ,तेकर सेती अपन घर के चीज बस मे मंडल के बरोबर हवे ,गॉव के मन परेमलाल ला छोटकू मंडल के नाम ले घलोक जानथे फेर मंडल के अभी ले एको झन लईका नई हे,दिन बीतत गिस अऊ आज मंडल चालिस बछर के होगे हे,तब जाके मालिक के किरपा होईस अऊ कूछ महिना के बाद ओकर घर मे सूग्घर अकन बेटी जनम लेके अईस मंडल बहूत खूश होगे ,फेर जनम देते सॉठ मंडल के बाई परलोक सिधार गे ,लईका बीन महतारी के होगे मंडल ऊही दिन ले ओ लईका ला कूलकछनी के नाम दे दिस अऊ ऊही दिन ले ओ लईका से नफरत करे के चालू कर दिस,लईका रोवत ललावत भूखे पियास बिलक बिलक के रोवत राहय फेर परेमलाल ला कोनो फरक नई पडे,लईका ला धर के नदिया नरवा मे फेके बर जावत राहय,तब ऊही घर के नऊकरानी हा ओला मना ईस,अऊ मना पठा के नउकरानी हर अपन बेटी बनाके ओला पालिस ,अऊ ओ नईका के नाम चंदा रखिस परेमलाल मंडल दूसर बिहाव कर डरीस ,दूसर बाई डाहर के तीन झन लईका हे ,
          दिन बीतत गिस ऩऊकरानी रोजी मंजूरी करके  ,चंदा ला पॉचवी किलास पडहाऐ के बाद,बिमारी के कारन परलोक सिधार गे, अब चंदा एकेल्ला होगे   ,फेर अपन पडहई ला बंद नई करिस  ,दिन बितत गिस ,महिनत मजदूरी करत करत ,चंदा बारहवी किलास पास कर डरीस ,
ऐ डाहर परेमलाल के बडे बेटा रोहन तास जूंवा के चक्कर मे पूलिस  के हॉत पकडागे दूसर बेटा विक्की दारू अऊ गॉजा बेचे के चक्कर मे कूट कूट ले मार खागे अऊ तिसर नंबर के बेटी आरती गॉव के एक झन आन जात के  छोकरा सन ऊडहरिया भगागे ,जम्मो गॉव मा थूवा थूवा होऐ ला लागिस मंडल के नाक गिरगे जेकर ऊपर भरोसा करिस ऊही लईका मन ओकर नाक ला गिरा दिस,, 
           ऐ डाहर चंदा दिन भर रोजी मंजूरी करे अऊ,रात भर कंडिल ला बार के चार बजत मूदराहा ले पडहई करे,दिन बीतत गिस,कोनो मेर परेमलाल मंडल चंदा ला देख डरे तब दूरिहा ले थूकत,कऊ कूलकछनी काहत लिकल जाऐ,चंदा ला बड पीरा होऐ ,कूछे दिन के बाद चंदा के कालेज के रिजल्ट लिकलगे चंदा पूरा जिला मे फस्ट आऐ हे ,चंदा खूशी के मारे बही भूतही बरोबर नाचे के चालू कर दिस, इस्कूल के जम्मो  मास्टर मस्टरनीन बडे बडे अधिकारी अऊ नेता मन शिक्छा विभाग डाहर ले चंदा ला राजनॉदगॉव मे बलाके ओकर सम्मान करिस पूरा देस मे आज चंदा के सम्मान ला आकाशवाणी दूरदरशन अऊ अखबार के माध्यम ले देखाऐ गिस।
          चंदा अपन भासन मे सबले पहिली अपन जनम देवईया दाई अऊ ददा के चरन वंदना करिस,अऊ किहिस की मोर महतारी  मोर बचपन ले   गूजर गे हे लेकिन मोर पिता जी मोला अबबड मया करथे ,अऊ महू ओला मया करथों ऐ बात ला सून के मंडल के ऑखी ले ऑसू लिकलगे,मंडल मंच मे पल्ला भागत गिस अऊ अपन बेटी ला छाती मा ओधा लिस,बाप अऊ बेटी के ऑसू लिकलगे,मया के ऑसू हा लिकलगे ,परेमलाल मंडल आज अपन बेटी के उपर गर्व करत हे ,जम्मो दरसक मन ताली बजात हे इही आय बाप बेटी के कहानी आज हम बेटी ला कूलकछनी कथन फेर बेटी हमर अनमोल रतन आऐ जेकर ले आज पूरा सन्सार चलत हे आओ हमन सबो झन मिल जूल के ओ चंदा के सम्मान करन ओ बेटी के सम्मान करन,जौन बेटी आज हम सब के घर मे हवे अगर सबो बेटी के सम्मान होही तब मैं समझहूं की मोर लिखे कहानी ,अऊ  मोर जिनंगी सफल होगे। 
 ग्राम -  धारिया छूईखदान
जिला राजनॉदगॉव छत्तीसगढ. मो, 9552149199
biharisahu12@gmail.com 

कोई टिप्पणी नहीं:

एक टिप्पणी भेजें